Sport

Volejbollistja ndër më të mirat në Kosovë, me profesion human në Gjermani

Foto: Driton Paqarada/KOHA

Rukije Mujajt i mbetet merak që nuk ishte pjesë e Përfaqësueses së Kosovës në volejboll në turneun kualifikues për Kampionatin Evropian të mbajtur në Podgoricë të Malit të Zi. E Muja nuk do të jetë pjesë e Kosovës as për turneun e dytë, që nis të enjten dhe përfundon të shtunën në kuadër të “EuroVolley 2021”.

 

Rukije Mujajt i mbetet merak që nuk ishte pjesë e Përfaqësueses së Kosovës në volejboll në turneun kualifikues për Kampionatin Evropian të mbajtur në Podgoricë të Malit të Zi. E Muja nuk do të jetë pjesë e Kosovës as për turneun e dytë, që nis të enjten dhe përfundon të shtunën në kuadër të “EuroVolley 2021”.

Mungesën e saj e kanë arsyetuar në Federatën e Volejbollit të Kosovës (FVK). Volejbollistja 23-vjeçare nga Drenasi tashmë shtatë muaj i është bashkuar familjes së saj në Bonn të Gjermanisë, ndërsa ka nisur ta mësojë dhe ta praktikojë profesionin e infermieres, profesion i vlerësuar human që ka për qëllim përkujdesjen për personat me nevojë. Aktualisht, Muja ndodhet në Kosovë për pushime, por do të kthehet shpejt për të vazhduar mësimin dhe punën në Gjermani.