4 perditesime
20:59

Shabani mposhtet bindshëm në çerekfinale të Evropianit

Elhami Shabani ka humbur bindshëm rezultatin 7:0 nga karateisti i Ukrainës, Stanisal Horuna në çerekfinale të kampionatit Evropian që po mbahet në Poreç të Kroacisë.

Shabani pësoi disfatë në raundin e katërt në kategorinë deri 75 kilogramë.

Karateisti Shabani i ka fituar dy luftëra. Në raundin e dytë kaloi çekun Jakub Matejka, ndërsa mposhti turkun, Erman Eltemur.

Raundin e parë e ka kaluar pa luftë.

20:41

Elhami Shabani fiton dy luftëra në Evropian

Karateisti Elhami Shabani ka fituar dy luftëra në kampionatin Evropian që po mbahet në Poreç të Kroacisë.

Shabani i kategorisë deri 75 kilogramë në raundin e dytë kaloi çekun Jakub Matejka, ndërsa mposhti bindshëm turkun, Erman Eltemur.

Raundin e parë e ka kaluar pa luftë, kurse në raundin e katërt do ta ketë përballë ukrainasin, Stanisalv Horuna.

19:24

Humb edhe Adelina Rama

Adelina Rama ka humbur në raundin e dytë të kampionatit Evropian të karatesë që po mbahet në Poreç të Kroacisë.

Rama e kategorisë deri 61 kilogramë humbi nga danezja, Sarah Aakermann me rezultatin 3:0.

Në raundin e dytë, Rama u kualifikua pa luftë.

18:23

Shabani fiton luftën e parë, ndalet në të dytën 

Benjamin Shabani e ka fituar luftën e parë, ndërsa është ndalur në luftën e dytë në kampionatin Evropian të karatesë që po mbahet në Poreç të Kroacisë.

Shabani në luftën e parë në kategorinë deri 84 kilogramë mposhti karateistin nga Gjeorgjia, Khvicha Kiparoidze me rezultatin 3:2, ndërsa humbi nga polaku Muchal Babos me rezultat 5:4.

17:44

Sejdijaj eliminohet nga Evropiani i karatesë

Diellza Sejdijaj është eliminuar nga kampionati Evropian i karatesë që po mbahet në Poreç të Kroacisë.

Sejdijaj në kategorinë deri në 68 kilogramë, u mposht të mërkurën nga karateistja e Austrisë, Alisa Buchinger.

Për të mërkurën garat i kanë mbyllur edhe Fortesa Orana dhe Herolind Nishevci. Të dy karateistët të dielën do të luftojnë për medalje të bronztë.