Sport

Ish-ylli i Sampdorias i kthehet futbollit pas suspendimit 12-vjeçar

 

Në fillim të vitit 2007 Francesco Flachi ishte në rrugë të mbarë për t'u bërë një legjendë e klubit nga Serie A, Sampdoria. Ishte kapiten, shënues i më shumë se 100 golave dhe i thirrur nga Italia për herë të parë. Por jeta e tij ndryshoi në orët pas një ndeshjeje kundër Interit, më 28 janar të vitit 2007, kur ai rezultoi pozitiv për kokainë. Ai u pezullua menjëherë nga çdo aktivitet futbolli dhe përfundimisht u ndalua për dy vjet.

“I humba të gjitha në atë moment të saktë”, tha Flachi. “Unë isha një idhull në Genoa. E kisha filluar vitin me dy gola dhe kohët e fundit isha thirrur edhe nga ekipi kombëtar”.