Sport

Në futbollin kosovar tashmë dënime jepen edhe për incidente në ndeshjet miqësore

 

Një lojtar i Ramiz Sadikut dhe një i Besës kanë shkëmbyer grushte në një miqësore të luajtur më 16 janar në Prishtinë. Uliks Spahija i Besës dhe Venhar Hyseni i Ramiz Sadikut janë përjashtuar direkt me karton të kuq për grushtimin e ndërsjellë në minutën e 87-të të takimit miqësor.

Në të kaluarën kartonët e kuq në një ndeshje të karakterit miqësor nuk do të kishin ndonjë peshë të madhe – nuk do të kishte pasoja të mëtejme për lojtarët. Por kjo tashmë ka ndryshuar. Spahija e Hyseni pritet të dënohen me nga disa ndeshje moslojë për rrahjen që e bën në fushën e lojës. Pra, më nuk ka rëndësi që ndeshja ishte miqësore.