5 perditesime
22:54

Benzema ia siguron fitoren Realit

Real Madridi e ka fituar ndeshjen e parë çerekfinale të Ligës së Kampionëve ndaj Chelseat për të bërë një hap drejt kualifikimit në gjysmëfinale.

Në duelin e luajtur të mërkurën mbrëma në “Stamford Bridge”, Reali ka triumfuar me rezultatin 3:1.

Më i merituari për këtë fitore të Realit ishte sulmuesi Karim Benzema që shënoi “hat-trick”. Benzema shënoi dy gola në pjesën e parë dhe një tjetër në të dytën për t’i dhënë fund çështjes së fituesit në këtë përballje.

Në anën tjetër, golin e nderit për kampionin në fuqi e realizoi Kai Havertz në pjesëlojën e parë.

Ndeshja e kthimit ndërmjet këtyre dy skuadrave, do të zhvillohet javën tjetër në stadiumin “Santiago Bernabeu” në Madrid.

22:06

Benzema kompleton “hat-trickun”

Me të nisur pjesa e dytë, Real Madridi ka shënuar edhe golin e tretë ndaj Chelseat.

Ishte sërish Karim Benzema, ai që shënoi për Realin.

Benzema realizoi në minutën e 46-të pas një gabimi të portierit Edoard Mendy.

Për Benzeman, ky ishte goli i tretë në këtë ndeshje që është e para në kuadër të çerekfinales të Ligës së Kampionëve.

21:46

Reali në avatazh pas pjesës së parë

Real Madridi është në epërsi me rezultatin 2:1 pas pjesës së parë ndaj Chelseat.

Në ndeshjen e parë çerekfinale të Championsit që po luhet në Londër, dy golat për Realin i shënoi sulmuesi Karim Benzema.

Të dy golat, Benzema i shënoi me kokë brenda tre minutave. Ndërkohë, golin e vetëm në këtë pjesë për Chelsean e realizoi gjermani Kai Havertz.

21:43

Chelsea ngushton epërsinë e Realit

Kai Havertz ka shënuar gol për Chelsean dhe ka ngushtuar në 2:1 epërsinë e Real Madridit.

Gjermani Havertz golin për londinezët e shënoi në minutën e 40-të pas asistimit të Jorginhos.

21:25

Reali dyfishon epërsinë

Dy minuta pas golit të parë, Karim Benzema ka shënuar edhe golin e dytë për Real Madridin. Edhe golin e dytë, Benzema e shënoi me kokë por kësaj here për francezin harkoi Luka Modriq.

Me këtë gol, Benzema arriti në kuotën e dhjetë golave këtë sezon në Ligën e Kampionëve.

21:23

Benzema zhbllokon rezultatin në Londër

Sulmuesi Karim Benzema e kaluar Real Madridin në epërsi ndaj Chelseat. Në ndeshjen çerekfinale të Ligës së Kampionëve që po luhet në Londër, Benzema shënoi në minutën e 23-të.

Francezi shënoi me kokë pas një bashkëveprimi me brazilianin Vinicius Junore.

Për Benzeman, ky është goli i nëntë këtë edicion në Champions.

https://streamgg.com/v/7n9bd826