Interi është kualifikuar në finale të Kupës së Italisë.
Interi në ndeshjen e kthimit gjysmëfinale mposhti në shtëpi Milanin me rezultatin 3:0, në derbin e njohur ndryshe si Madonnina.
Lautaro Martinez (4’, 40’) realizoi dy gola për Interin, ndërsa Robin Gosens (82’) një. Milanit iu anulua një gol në minutën e 66-të, të cilën e shënoi Ismael Bennacer, për pozitë jashtëloje. Goli u anulua pasi u rishikua rasti me sistemin VAR.
Interi ka ngadhënjyer me rezultat të përgjithshëm 3:0 pas dy ndeshjeve. Ndeshja e parë në të cilën Milani ishte vendas përfundoi pa gola.
Interi në finale të Kupës së Italisë e pret fituesin e duelit mes Fiorentinës dhe Juventusit.
Juventusi e ka fituar ndeshjen e parë 1:0 në udhëtim.
Interi e Milani po luftojnë edhe për titull të Series A të Italisë.
