Mesfushori Gavi do të nënshkruajë kontratë të re me Barcelonën. Mesfushori spanjoll ka kohë që ka nisur bisedimet me klubin dhe thuhet se është pajtuar me kontratë afatgjate, por që kanë mbetur edhe disa detaje për t’u plotësuar ditëve në vijim.
Klubi spanjoll i ka ofruar rritje të pagës mesfushorit që është i bindur të mbetet në “Camp Nou”.
Lajmi është konfirmuar edhe nga trajneri Xavi Hernandez të premten, i cili beson se 17-vjeçari do të mbetet në skuadër edhe për shumë vite.
“Është një lajm tejet i mirë për të gjithë ne pasi Gavi është pjesë e rëndësishme e projektit tonë”, deklaroi Xavi.
Kontrata aktuale spanjollit i skadon në vitin 2023. Ai pritet të mbetet te katalunasit deri në vitin 2027.
