Sport

Donjeta shfaq potencialin me medaljen në Botëror, paraqet kandidaturë për sukses olimpik

Donjeta Sadiku
 

Se ka talent për boks, Donjeta Sadiku ka dëshmuar shumë herët. Që në vitin 2015 ajo kishte fituar medalje të argjendtë botërore për të reja. Për të rejat i kishte edhe dy medalje evropiane, një të artë në vitin 2016 e një të argjendtë në vitin 2017. 22-vjeçarja ka pasur edhe suksese të tjera, kryesisht te të rejat.

Në nivelin senior kishte suksese në garat ballkanike, por jo në garat më të mëdha. Shpërthimi te të rriturat vonoi. Dhe ai më në fund erdhi të hënën, kur boksierja kosovare siguroi medaljen në Kampionatin Botëror për seniore.