Sport

Në kampionatin e shteteve të vogla për suksesin e madh

basketboll femrat
 

Basketbollistet e Kosovës të hënën kanë udhëtuar për në Nikozi të Qipros, ku deri në fund të javës do të kenë ndeshje të shumta. Pas një udhëtimi të gjatë, basketbollistet janë vendosur në kryeqendrën qipriote dhe kanë zhvilluar një stërvitje. Menjëherë të martën pasdite e zhvillojnë ndeshjen e parë ndaj Maltës (17:30). Është kjo ndeshja e parë për Kosovën në Kampionatin Evropian për Vende të Vogla. Në garën e shteteve të vogla, Kosova kërkon suksesin e madh – vendin e parë.

Kosova për herë të dytë paraqitet në Kampionatin e Shteteve të Vogla. Ka debutuar vjet, që ishte edhe debutim i basketbollisteve seniore në skenën ndërkombëtare. Kosova vjet përfundoi e treta, ndërsa tani kërkon sukses më të madh. Në Nikozi mbahet edicioni i 17-të i garës për vende të vogla, përkatësisht i atyre që basketbollin e femrave nuk e kanë në nivelin e lartë evropian.