Sport

Abrashi: Vendimi për të luajtur për Shqipërinë, më i miri në karrierë

 

Kapiteni i Grasshopperit, Amir Abrashi, vendimin për të luajtur për Shqipërinë e ka quajtur më të mirin në karrierë. Abrashi, 32-vjeçar, në gusht të vitit 2013 vendosi ta përfaqësojë Shqipërinë, pas paraqitjeve në ekipet zinxhirë të Zvicrës. Mesfushori luftarak, Abrashi, pranon se e kishte të vështirë të luante te Zvicra. Ai thekson se konkurrenca te përfaqësuesja “helvetike” ka qenë dhe është e madhe.

“Në pozicionin tim luanin lojtarë të rregullt, si Valon Behrami apo Blerim Xhemaili, tani janë Freuler, Granit Xhaka apo Zakaria. Duke parë prapa, mendoj se vendimi për ta përfaqësuar Shqipërinë ishte më i miri i karrierës sime. Unë i qëndroj prapa vendimit”, ka thënë Abrashi në një intervistë për gazetën zvicerane “20 minuten”.