Sport

Ende në dyshim paraqitja e Shaqirit në ndeshjen që është më shumë se ndeshje

 

Ka ende dyshime nëse Xherdan Shaqiri do të jetë gati për të luajtur të premten mbrëma ndaj Serbisë. Kështu të paktën shkruan blick.ch, që ka ekipin e gazetarëve në Doha. Shaqiri është prej lojtarëve kryesorë të Zvicrës, ndërsa mungoi ndaj Brazilit për shkak të një shqetësimi në muskujt e kofshës.

Dhe Zvicra në mungesë të tij dhe Noak Okafor ishte plotësisht e parrezikshme. Sipas gazetës së madhe zvicerane, Shaqiri ende ka telashet me muskuj dhe është pikëpyetje nëse do të jetë gati për ndeshjen ndaj Serbisë. Ndeshja është vendimtare për kalim në fazën nokaut.