Sport

Portugalia kërkon ta shmangë Brazilin duke e fituar grupin

 

Faza e grupeve vështirë se mund të kishte shkuar më mirë për Portugalinë në Kupën e Botës. Fitoret në dy ndeshjet e para ia kanë siguruar kualifikimin para ndeshjes së fundit në grup. Megjithatë, në duelin e tretë të Grupit H ndaj Koresë së Jugut, që luhet të premten nga ora 16:00, Portugalia ka një mision të qartë. I duhet të paktën një pikë për ta konfirmuar pozitën e parë në grup dhe për ta evituar Brazilin në 1/8 e finales. Dueli mes Koresë së Jugut dhe Portugalisë luhet në “Educational City Stadium”.

“Nëse do të ishim përballur me Brazilin do të ishte një ndeshje mes skuadrave me nam. Por si dëshira jonë ashtu edhe e Brazilit është që të takohemi më vonë dhe jo menjëherë pas fazës së grupeve”, ka thënë trajneri i Portugalisë, Fernando Santos, të enjten në konferencën për shtyp.