Sport

Ademi: Nuk prisja ato fyerje nga një legjendë si Stojkoviq

 

Kryetari i Federatës së Futbollit të Kosovës, Agim Ademi, ka thënë se është befasuar keq kur ka dëgjuar gjatë ndeshjes Zvicër – Serbi, se si seleksionuesi i Serbisë, Dragan Stojkoviq, shau shqiptarët në momentin kur Serbia kaloi në epërsi.

“Nga një legjendë si Piksi, nuk e prisja të shante nënat shqiptare”, ka thënë Ademi për “Danas”. “Ai ishte një legjendë e Jugosllavisë, ne bënim tifo për të derisa jetonim në një shtet të përbashkët, shijonim driblimet e tij dhe aftësitë e tij. E shikonim drejtpërdrejt edhe në Ligën e Parë të atëhershme. Shumë shqiptarë nga Kosova e donin atë si futbollist dhe habiten që ai u soll kështu edhe në një ndeshje që nuk ishte kundër Kosovës por kundër Zvicrës. Gjëra të tilla nuk duhet të thërrasin as tifozët në tribuna, e lëre me një pjesëmarrës në ndeshje në fushë”, tha Ademi.