Kapiteni Amir Abrashi e ka rinovuar kontratën me skuadrën e Grasshopperit, që i skadonte në fund të këtij sezoni. Ekipi zviceran ka njoftuar të hënën se me rinovimin e kontratës, Abrashi do të jetë pjesë e Grasshopperit deri në verën e vitit 2024.
Ai po ashtu, e ka opsionin e vazhdimit edhe për një vit tjetër. Abrashi është pjesë e Grasshopperit prej verës së vitit 2021 kur iu bashkua nga Freiburgu dhe këtë sezon ka 11 paraqitje në elitën e futbollit zviceran. Abrashi është më herët ka qenë pjesë e këtij klubi, me të cilin në total ka regjistruar 185 paraqitje në të gjitha garat.
“Ishte një vendim i qartë dhe shumë i lehtë për mua. Jam shumë i lumtur dhe mezi pres të luaj edhe një vit për klubin tim të preferuar”, tha Abrashi.
“Falënderoj drejtuesit e klubit për besimin që kanë pasur vazhdimisht tek unë dhe do të vazhdoj të bëj më të mirën për të ndihmuar ekipin brenda dhe jashtë fushës”.
