Sport

KOK-u mbyll procesin e kategorizimit të sporteve, xhudoja e para

 

Xhudo mbetet sporti kryesor në Kosovë edhe për vitin 2023, pasi Komiteti Olimpik i Kosovës (KOK) ka mbyllur procesin e kategorizimit të sporteve, sportistëve dhe trajnerëve për këtë vit.

Në njoftimin e KOK-ut, thuhet se me rekomandimin e komisionit përkatës dhe miratim të Bordit Ekzekutiv, Federata e Xhudos është rekomanduar me maksimumin e pikëve, 100. Po ashtu, me 100 pikë është rekomanduar edhe Federata e Futbollit të Kosovës, e cila ka kaluar në vendin e dytë pas xhudos. Listës të kategorisë A i është shtuar edhe Federata e Boksit të Kosovës, që renditet e shtatë me 71.29 pikë.