Mesfushori ofensiv, Muhamed Dubova, i është bashkuar klubit të futbollit, Prishtina, pas largimit nga Dubnica që bën gara në rangun e dytë të futbollit sllovak.
Lajmi është bërë i ditur nga faqja zyrtare e kryeqytetasve të enjten.
“Muhamed Dubova është futbollisti i radhës që i është bashkuar edhe zyrtarisht skuadrës tonë. Mesfushori-sulmues 21-vjeçar, vjen te FC Prishtina nga skuadra sllovake, Dubnica, ku ka luajtur për një vit. Dubova me skuadrën tonë e ka kryer komplet fazën përgatitore dhe është plotësisht gati për ta dhënë më të mirën e tij për fanellën ‘bardhekaltër’”, shkruhet në njoftimin e Prishtinës.
Dubova më parë ka qenë pjesë e skuadrës së Gjilanit.
© KOHA. Të gjitha të drejtat janë të rezervuara.
