Reprezentuesi i Kosovës, Florian Loshaj ka debutuar me sukses te skuadra e Superligës së Turqisë, Istanbulspor.
Istanbulspori të dielën fitoi 2:1 ndaj Alanyasporit. Ndeshja i takoi javës së 23-të të elitës turke.
Loshaj u zyrtarizua të shtunën tek Istanbulspori, ndërsa të dielën luajti prej minutës së 43-të.
Në minutën e 77-të, mesfushori fitoi top në gjysmën e tij të fushës dhe me pasim të gjatë e gjeti Emir Gultekinin.
Ai shënoi gol të bukur për 2:1. Golin e parë për Istanbulsporin e shënoi Valon Ethemi në minutën e 67-të.
Ethemi realizoi me asistim të Eduard Rrocës.
Jetmir Topalli luajti prej minutës së 78-të, njëjtë si Sidrit Guri.
Istanbulspori shënoi fitore shumë të rëndësishme në garën për mbijetesë. Tani i ka 21 pikë nga 22 ndeshje.
Mbetet në pjesën e tabelës që dërgon në kategorinë e dytë.
rt
© KOHA. Të gjitha të drejtat janë të rezervuara.
