Manchester Unitedi nuk e ka shfrytëzuar ndeshjen e mbetur të xhiros së tetë dhe ka marrë vetëm një barazim me skuadrën e Leeds Unitedit.
Unitedi dhe Leedsi të mërkurën në “Old Trafford” barazuan me rezultatin 2:2, falë rikthimit të “djajve të kuq” në rezultat.
Sulmuesi Wilfried Gnonto që në minutën e parë shënoi për mysafirët, ndërsa rezultati u dyfishua pas autogolit të mbrojtësit francez, Raphael Varane, tre minuta pas pushimit.
Megjithatë, të udhëhequrit e Erik ten Hagut shënuan në minutën e 62-të me Marcus Rashfordin dhe me Jadon Sanchon në minutën e 70-të.
Për Sanchon ishte goli i tretë në 11 ndeshje të Premier Leagues këtë edicion.
E barazon numrin e golave të realizuar në edicionin 2021-22, në 29 ndeshje.
Ndërkohë, Rashfordi është futbollisti i parë i Unitedit që shënon gol në gjashtë paraqitje rresht në “Old Trafford” në Premier League, qëkur Wayne Rooney kishte bërë një gjë të tillë në prill të vitit 2012.
Unitedi në 22 ndeshje ka arkëtuar 43 pikë dhe zë pozitën e tretë në tabelë.
Leedsi në vendin e 16-të, ka 19 pikë në 21 ballafaqime të luajtura.
Lider është Arsenali me 50 pikë pas 20 ndeshjeve.
© KOHA. Të gjitha të drejtat janë të rezervuara.
