Peja ka mposhtur edhe skuadrën tjetër nga Bullgaria, Beroen në kuadër të Ligës Ballkanike (BIBL). Në duelin e luajtur të enjten në Stara Zagora, skuadra kosovare regjistroi fitore të thellë me shifrat 111:78.
Për Pejën, kjo është fitorja e dytë brenda dy ditësh në Bullgari në kuadër të BIBL-it. Një ditë më herët, pejanët triumfuan edhe ndaj skuadrës së Levskit.
Me këtë triumf, Peja ngjitet në pozitën e dytë në tabelë me bilanc prej gjashtë fitoreve dhe vetëm një disfate deri më tani.
Peja për asnjë moment nuk e rrezikoi fitoren ndaj Levskit pasi prej fillimit ishte në epërsi. Çerekun e parë, e fitoi me rezultatin 28:16, ndërsa epërsinë e thellë dhe triumfin e konfirmoi në periudhën e tretë.
Këtë çerek, Peja e fitoi me 14 pikë epërsi (34:20) dhe në dhjetë minutat e fundit u fut në lojë me rezultatin 85:63.
Edhe pse kishte avantazh prej 23 pikëve, Peja nuk e ndali ritmin për ta mbyllur ndeshjen me mbi 30 pikë epërsi. David Joseph, sërish ishte më efikasi te Peja, duke e përfunduar duelin me 23 pikë të shënuara.
Jalen Tate shtoi 22 sosh, ndërsa me lojë të mirë u veçuan edhe Arian Qallaku (15) e Brad Waldow (10 pikë, 10 kërcime). Te Beroe, më i dalluari ishte Alexander Todorovich me 19 pikë të shënuara.
© KOHA. Të gjitha të drejtat janë të rezervuara.
