Bëri komente raciste e homofobike, gjobitet rëndë Piqueti
Foto: AP
Tri herë kampioni i botës në Formula 1, Nelson Piquet, është urdhëruar të paguajë 780 mijë funte për komentet raciste dhe homofobike për Lewis Hamiltonin.
70-vjeçari brazilian ka përdorur terme raciste në momentin kur i referohej Hamiltonit në një intervistë në vitin 2021.
Hamiltoni kishte thënë se “mendjet e lashta” duhet të ndryshojnë, pasi u shfaq intervista e tij.
Piqueti më vonë kishte kërkuar falje që pa dashje ka abuzuar në baza racore ngasësin britanik të Mercedesit.
Shtatë herë kampioni Hamilton është ngasësi i vetëm me ngjyrë në Formula 1.
