Granit Xhaka ka shkëlqyer në fitoren e Zvicrës ndaj Bjellorusisë, të shtunën mbrëma në Novi-Sad. Xhaka shënoi një gol të bukur dhe asistoi në dy të tjerë në fitoren 5:0 të Zvicrës.
Renato Steffen shënoi hat-trick në pjesën e parë për të përfunduar çështjen e fituesit. Xhaka ishte i përfshirë në dy gola.
Mesfushori kosovar shënoi për 4:0 në minutën e 62-të, ndërsa asistoi mjeshtërisht për Zeki Amdounin në minutën e 65-të. Fushën e la në minutën e 66-të.
Ndeshja është luajtur pa praninë e shikuesve, ndërsa nuk është regjistruar ndonjë incident.
19:26
Zvicra shënon golin e pestë, Xhaka lëshon fushën pas një goli e dy asistimesh
Zvicra ka shënuar golin e pestë ndaj Bjellorusisë.
Për 5:0 shënoi Zeki Amdouni në minutën e 65-të.
Ndërkohë Granit Xhaka ka lëshuar fushën. Ai ka shkëlqyer me një gol e dy asistime.
19:22
Xhaka realizon në Serbi
Mesfushori shqiptar i Zvicrës, Granit Xhaka, ka realizuar gol ndaj Bjellorusisë, në ndeshjen që po zhvillohet në Serbi.
Granit Xhaka ka lënë gjurmën e tij në ndeshjen në Novi Sad. Ai ka shënuar për 4:0 në minutën e 62-të. Xhaka po shkëlqen në fushë ndaj bjellorusëve inferiorë.
Zvicra ka kaluar herët në epërsi ndaj Bjellorusisë.
Në fakt bjellorusët goditën traversën e Zvicrës që në minutën e dytë, por Renato Steffen përfitoi nga një gabim i mbrojtjes bjelloruse për të realizuar për 1:0 në minutën e pestë.
Granit Xhaka po e udhëheq përfaqësuesen e Zvicrës në ndeshjen ndaj Bjellorusisë e që do të zhvillohet në Serbi. Takimi është i vlefshëm për kualifikimet për Kampionatin Evropian “Euro 2024”.
Ndeshja luhet në Serbi, si terren neutral pas sanksioneve ndaj Bjellorusisë.
