Kapiteni i Zvicrës, Granit Xhaka ka qenë i vendosur për të udhëtuar në Serbi dhe të paraqitet në ndeshjen kundër Bjellorusisë për kualifikimet e Kampionatit Evropian 2024. Bjellorusia ishte vendase në këtë ndeshje, të cilën e kishte cakuar të luhej në Novi Sad.
Xhaka udhëtoi me ekipin zviceran dhe shënoi një gol në fitoren e thellë 5:0 kundër Bjellorusisë. Të hënën, një ditë para duelit me Izraelin, Xhaka në konferencën për shtyp ka insistuar se ishte i vendosur për të udhëtuar me Zvicrën në Serbi. Madje, ka zbuluar se për këtë është konsultuar edhe me trajnerin Murat Yakin, ku së bashku kanë marrë vendimin që Xhaka të jetë më ekipin.
“Doja shumë të isha atje”, tha Xhaka fillimisht për shkuarjen në Novi Sad. “Fillimisht, kam biseduar me trajnerin Yakin para ndeshjes për të shkuar apo jo, dhe në fund vendosëm që të shkoja. Nuk ishte vendim i lehtë për të gjithë të përfshirët. Gjithçka kishte të bënte me sportin. Kështu që, jam i lumtur që isha atje dhe e ndihmova ekipin të kthehet me tri pikë”.
