Sport

Guardiola dhe Ancelotti kanë një shqetësim të përbashkët

FOTO: AP
 

Trajnerët e Manchester Cityt dhe Real Madridit, ekipeve që do të përballen në gjysmëfinalen e Ligës së Kampionëve, kanë një hall të përbashkët. Si Pep Guardiolan, ashtu edhe Carlo Ancelottin i shqetëson lodhja e lojtarëve. Dy strategët po shqetësohen për orarin e ngjeshur të ndeshjeve, që përfshinë përballjet mes vete.

Ndeshja e parë gjysmëfinale mes Real Madridit dhe Manchester Cityt zhvillohet më 9 maj në “Santiago Bernabeu” kurse ajo e kthimit pas një jave në “Etihad Stadium”. Megjithatë, asnjëri prej trajnerëve të premten nuk ka folur për këto përballje, pasi janë të fokusuar te ndeshjet e vikendit.