Selektorja e Përfaqësueses së Anglisë, Sarina Wiegman është shpallur trajnerja më e mirë tek futbollistet në ceremoninë e UEFA-s.
Weigman ka bërë një punë të madhe me Anglinë, ku arriti deri në finale të Kampionatit Botëror që përfundoi javë më parë dhe u mbajt në Australi e Zelandë të Re.
Wiegman ka thënë se ndihet shumë e lumtur për këtë çmim, por njëkohësisht krenare me punën dhe arritjen e futbollisteve të saj te Përfaqësuesja e Anglisë. Shtoi se ndihet e kënaqur që është pjesë e futbollit të femrave dhe ndihet mirë që po kontribuon.
“Jam shumë e nderuar që jam votuar dhe falënderoj të gjithë ata që më votuan. Po ashtu, dua të falënderoj edhe lojtaret dhe federatën angleze”, tha Wiegman. Ajo shtoi gjithashtu se nuk ndihet mirë për incidentin që ndodhi në ceremoninë e medaljeve të Kupës së Botës, kur presidenti i Federatës së Futbollit të Spanjës e puthi në buzë futbollisten Jeni Hermoso.
Wiegman tha se këtë trofe ia dedikon ekipit të Spanjës.
© KOHA. Të gjitha të drejtat janë të rezervuara.
