Tech

Semafori "i mençur" në Vjenë detekton nëse këmbësori ka ndërmend ta kalojë rrugën

Semafori

Në Vjenë pas një faze testuese dyvjeçare është lansuar në trafik semafori i parë i mençur. Semafori ndodhet në udhëkryqin përpara një shkolle fillore dhe automatikisht kalon në të gjelbër kur në afërsi shfaqen këmbësorët të cilët duan ta kalojnë rrugën.

Kamera e vogël e cila e detekton lëvizjen e këmbësorëve është vendosur në katër metra lartësi, ndërsa sistemi me ndihmën e softuerit special identifikon nëse këmbësorët duan ta kalojnë udhëkryqin apo jo, shkruan KOHA Ditore. Kjo zgjat mesatarisht dy sekonda. Teknologjia e vendosur do të përdoret vetëm për ta identifikuar sjelljen e lëvizjes së këmbësorëve dhe nuk do të përdoret për qëllimin e monitorimit të personave. Të gjitha të dhënat e regjistruara procesohen në vendin e ngjarjes dhe pastaj fshihen përgjithmonë.