Tech

Pas bojkotit, kompanitë e mëdha thirrje “Facebook-ut” për ndryshime

Pas bojkotit, kompanitë e mëdha thirrje “Facebook-ut” për ndryshime

Kompanitë si Coca-Cola, Adidas, Ford dhe Lego po bojkotojnë Facebookun këtë muaj, duke tërhequr reklama nga rrjeti social në Shtetet e Bashkuara. Disa kompani reklamash janë pjesë e një bojkoti të organizuar për të detyruar kompaninë Facebook që të bëjë më shumë në ndalimin e gjuhës së urrejtjes, teoritë konspirative dhe dezinformatat në faqen e saj për temat si votimi. Facebook është përgjigjur duke njoftuar se ka bërë disa ndryshime, por a do të jenë ato të mjaftueshme?

Qindra kompani thonë se ato nuk do të reklamojnë në Facebook dhe Instagram, në korrik, si pjesë e një fushate të quajtur Ndalni Fitimet nga Urrjetja (Stop Hate for Profit). Qellimi i fushatës është të detyrojë presidentin e Facebookut, Mark Zuckerberg që të trajtojë efektet negative të Facebookut në shoqëri, thotë Jim Steyer, shefi ekzekutiv dhe themeluesi i organizatës Common Sense Media, dhe një nga mbështetësit e bojkotimit.