Aksionet e gjigantit japonez të teknologjisë Sony kanë rënë pas lajmeve se Microsofti po planifikon të blejë kompaninë gjigante të videolojërave, Acitivision Blizzard, raporton BBC.
Marrëveshja në vlerë 68.7 miliardë dollarë, do të jetë blerja më e madhe e Microsoftit dhe po ashtu marrëveshja më e madhe në histori të videolojërave.
Me këtë Microsofti do të marrë në pronësi firmën e famshme të videolojërave që ka prodhuar lojëra si “Call of Duty”, “Warcraft” e “Overwatch”.
Marrëveshja do të ishte hap i madh për Xboxin e Microsfotit në garën kundër Playstationit të Sonyt.
Po ashtu kjo marrëveshje vjen një vit pasi Microsofti bleu një kompani tjetër të njohur të videolojërave, Bethesda, për 7.5 miliardë dollarë.
Kjo ngjarje ka ndikuar që të bien aksionet e Sony Group.
Në tregun në Tokio vlera e aksioneve të Sonyt të mërkurën ka rënë për 12.8 për qind.
Në betejën për popullaritetin me gamerat, PlayStation5 e Sonyt shihet se ka avantazh karshi gjeneratës së katërt të modelit Xbox të Microsoftit.
© KOHA. Të gjitha të drejtat janë të rezervuara.
