Tech

Apple paditet për abuzim me sistemin e pagesave

 

Gjiganti teknologjik, Apple, është paditur në një gjykatë në Shtetet e Bashkuara të Amerikës në lidhje me sistemin e pagesave, Apple Pay. Kompania akuzohet se ka përdorur fuqinë në industrinë e smartfonëve për të penguar konkurrencën të përdorë sisteme të tjera pagesash, shkruan Bloomberg.

Padia e dërguar pranë gjykatës federale të Kalifornisë u bë nga "Affinity Credit". Sipas padisë, Apple i detyron përdoruesit e pajisjeve të veta të përdorin portofolin e saj të pagesave ndryshe nga pajisjet Android ku konsumatorët mund të zgjedhin portofolët që dëshirojnë nga Google Pay te Samsung Pay.