Gjatë konferencës Innovation 2022, Samsungu prezantoi një pajisje interesante që përfshin harduerin Intel, shkruan “Sammobile”.
U shfaq një kompjuter me ekran palosës, i cili ka një ekran OLED që mund të zgjerohet. Duke lëvizur skajin e prototipit, ekrani 33 centimetra u shndërrua në një ekran 43 centimetra.
Në këtë mënyrë, ekrani i një tableti më të madh është kthyer në një monitor më të vogël. Samsungu ka vite që punon në ekranet OLED palosëse dhe një prototip i të parit u shfaq vitin e kaluar.
"Ne po shpallim ekranin e parë palosës 43 centrimetra në botë për kompjuterë. Kjo pajisje do të kënaqë nevoja të ndryshme për një ekran të madh por edhe për transportueshmëri", ka njoftuar kompania teknologjike.
Megjithatë, kjo pajisje në formën e saj përfundimtare nuk pritet të dalë në treg së shpejti, në mos fare, pasi shumë koncepte të këtij lloji nuk kthehen në pajisje komerciale.
© KOHA. Të gjitha të drejtat janë të rezervuara.
