Alibaba planifikon t’i investojë 2 miliardë dollarë në Turqi
Foto ilustrim
Gjiganti kinez i tregtisë elektronike Alibaba, e ka njoftuar presidentin turk Recep Tayyip Erdogan se ka në plan të investojë dy miliardë dollarë në Turqi.
Kjo u bë e ditur nga kreu i Alibabas, Michael Evans, në një takim me Erdoganin, ku nuk ka specifikuar se kur do të bëhet investimi.
Evans gjithashtu ka njoftuar se Alibaba ka investuar 1.4 miliardë dollarë në Turqi përmes njësisë së saj Trendyol, një nga platformat më të njohura të tregtisë elektronike në Turqi.
Erdogan ndodhet në Shtetet e Bashkuara për të marrë pjesë në sesionin e 78-të të Asamblesë së Përgjithshme të OKB-së.
