Komiteti Paralimpik Ndërkombëtar (IPC) ka mbrojtur vendimin për t’ia marrë medaljen e artë paralimpistit nga Malajzia, Muhammad Ziyad Zolkefli, për shkak të vonesës, raporton BBC.
Zolkefli fitoi të artën në hedhje të gjyles në kategorinë F20 në Tokio, por më vonë u diskualifikua pasi erdhi tre minuta me vonesë në garë.
Zolkefli ishte lejuar të garonte pasi në atë kohë kishte një arsye “logjike” për vonesën, është thënë nga IPC-ja.
Mirëpo, një gjyqtar më vonë zbuloi se nuk kishte pasur arsye për vonesën e paralimpistit.
Vendimi për t’ia marrë medaljen e artë Zolkeflit është përcjellë me reagime të ashpëra në rrjete sociale, veçanërisht nga malajziasit.
“Është turp! Nuk është dashur të lejoni sportistët të garojnë nëse vijnë me vonesë. Mos ia vjedhni medaljen e artë, dhe me rekord bote, të fituar me aq shumë mund nga Ziyadi”, ka thënë deputeti nga Malajzia, Fahmi Fadzil.
Ministri i Rinisë dhe Sportit në Malajzi, Ahmad Faizul Azumu, ka thënë se Këshilli Sportiv Nacional i është urdhëruar të hetojë rastin. Ai ka thënë se është i zhgënjyer me vendimin për t’ia marrë medaljen e artë Zolkeflit.
“Atletët kanë pritur për pesë vjet, por shpresat e tyre dhe shpirti i tyre është shkatërruar nga një vonesë më e vogël se pesë minuta. Është diçka shumë e trishtueshme”,
© KOHA. Të gjitha të drejtat janë të rezervuara.
