Vështrime

Ujqit e vërtetë të Izraelit

Kryeministri i akuzuar për korrupsion luan rolin e viktimës dhe keqpërdorë historinë, ndërsa i biri i tij lutet për shkatërrimin e BE-së dhe ëndërron “një Europë të krishterë”: çfarë drejtimi ka marrë demokracia izraelite? Një shpjegim brilant nga profesori Omri Boehm.

Të dielën kryeministri i Izraelit Benjamin Netanjahu doli para gjyqit. Ai akuzohet për korrupsion dhe poshtërsi të tjera. Netanjahu u përpoq ta prezantojë veten si viktimë të drejtësisë izraelite. Ai tha se akuzat ndaj tij janë të fabrikuara dhe tregoi se tashmë i kanë shkruar edhe të mbijetuarit e Holokaustit duke i thënë se po luten për të për shkak se e kanë sulmuar dhe po e “shqyejnë ujqit”. “Kjo më ther në zemër”, shtoi Netanjahu me ton teatral të një akuzuari për korrupsion që nuk ka asnjë skrupull dhe keqpërdorë edhe tragjedinë historike të popullit hebraik për të arsyetuar të këqijat e tij.