Vështrime

Ulja e shkallës së karbonit në dete

Dhe si me shumëçka tjetër në debatin për klimën, pengesa e vërtetë për një të ardhme të qëndrueshme nuk është teknologjia, por politika. Nëse qeveritë mund të pajtohen më në fund për të vendosur rregulla më të serta të emetimeve për të gjithë vaporët e botës në samitin e sivjetmë të IMO-s, do të trasojnë rrugën për një qasje më të pastër tregtare botërore, të fuqizuar prej energjisë së ripërtërishme me bollëk. Kjo do të ishte e dobishme edhe për planetin, oqeanet dhe njerëzimin

Delegatët nga qeveri të ndryshme anembanë botës po takohen gjatë këtij muaji (virtualisht) në një samit qendror në Organizatën Ndërkombëtare Detare të Kombeve të Bashkuara (IMO). Tema është se si të dekarbonizohet industria botërore e transportit ujor, që përfshin rreth 80 për qind të tregtisë botërore dhe më shumë se një biliard tonelata të emetimeve të gazrave serrë në vit – më shumë se emetimi i cilitdo shtet individualisht prej pesë vendeve me shkallën më të lartë të ndotjes.

Ky burim masiv i emetimeve nuk mund të injorohet. Varësia jonë nga fosilet e naftës po ka ndikim shkatërrimtar në planet, sidomos në oqeanet tona. I nxehti dhe aciditeti i madh, shkrirja masive e akullit në det, dhe rënia e niveleve të oksigjenit po shkatërron shtresat korale, duke kërcënuar jetën detare, dhe minuar aftësinë e oqeanit për të funksionuar si ekosistem dhe rregullator kyç i klimës. Duke marrë parasysh se çdo e dyta frymëmarrje e jona vjen nga oqeani, vetë shëndeti ynë është i lidhur drejtpërdrejt me atë të këtij sistemi natyror.