Vështrime

Stop shantazhit të deputetëve turq të Kosovës!

Parlamentarët e pakicës turke në Kuvendin e Kosovës duhet të merren me problemet reale të komunitetit të tyre (a ka kanalizim në Mamushë?) – njëkohësisht ata duhet urgjentisht të heqin dorë nga politikat destruktive që synojnë ta helmojnë politikën e Kosovës me politikën e brendshme polarizuese turke.

Parlamentarët e pakicës turke në Kuvendin e Kosovës duhet të merren me problemet reale të komunitetit të tyre (a ka kanalizim në Mamushë?) – njëkohësisht ata duhet urgjentisht të heqin dorë nga politikat destruktive që synojnë ta helmojnë politikën e Kosovës me politikën e brendshme polarizuese turke.

Deputetët turq të Republikës së Kosovës duhet të përfaqësojnë interesat e qytetarëve turq të Kosovës. Nuk është punë e tyre të sillen në Prizren e Prishtinë si hyzmeqarë të Erdoan Taip Rexhepit nga Ankaraja e Stambolli. Këta deputetë, të zgjedhur edhe me urdhra burokratikë që burojnë nga Plani i Ahtisaarit, nuk duhet të keqpërdorin zemërgjerësinë e shtetit të Kosovës për lojëra të ndyra që kanë për qëllim ta shndërrojnë politikën e brendshme turke në politikë të Kosovës.