Vështrime

Duhen sanksione më të forta ndaj Rusisë

Duhen sanksione më të forta ndaj Rusisë

Lufta e Ukrainës po zhvillohet si në fushëbetejë ashtu edhe në frontin ekonomik, me ç’rast miliona njerëz bëjnë sakrifica për të mbrojtur vendin dhe demokracinë e saj. Ne duhet t'i mbështesim, duke siguruar që sanksionet tregtare të jenë aq efektive për aq kohë sa mund të jenë

Cambridge, 3 nëntor - Mareshali legjendar prusian i luftës, Helmuth von Moltke plaku, pati thënë bujshëm se asnjë plan fushëbeteje nuk i mbijeton kontaktit të parë me armikun. Nënkuptimi ishte se komandantët që i fitojnë luftërat jo doemos janë ata me planet më të mira fillestare, por ata që u përshtaten shpejt informatës së re dhe kushteve në terren.

Kundërofensiva e mrekullueshme e ushtrisë ukrainase, e cila i detyroi trupat ruse që të zmbrapsen në Ukrainën lindore dhe atë jugore, është një rast i këtillë. Një shembull më pak brilant është përpjekja e Perëndimit për t’i përdorur sanksionet tregtare dhe ato financiare për ta tkurrur aftësinë e Rusisë që të zhvillojë luftë. Këtu gjërat nuk kanë shkuar sipas planit dhe tani është e qartë se strategjia duhet të rishikohet. Për këtë qëllim, ne kemi identifikuar disa hapa që do ta bënin më efektiv regjimin e sanksioneve të Perëndimit.