Video

“Contour Global” padit Kosovën në Arbitrazh, kërkon 20 milionë euro

1
 

Kompania “Contour Global” është tërhequr nga ndërtimi i termocentralit “Kosova e Re”, por jo edhe nga pretendimi për kompensimin e asaj që ajo e quan investim në këtë projekt energjetik. Kompania amerikane, që rastin e ka dërguar në Arbitrazh, kërkon 20 milionë euro dëmshpërblim.

Hapjen e kontestit në Gjykatën e Arbitrazhit Ndërkombëtar nga investitori “Contour Global” e ka bërë të ditur Ministria e Ekonomisë dhe Ambientit. Sipas Ministrisë, më 24 maj të këtij viti ishte paraparë që të bëhej mbyllja e këtij projekti, por dështimi i arritjes në kohë dhe dështimi i disa përpjekjeve për zgjidhje të kontestit ka bërë që investitori ta çojë Kosovën në Arbitrazh, raporton KOHA.