Video

24 vjet nga rezistenca e Jasharëve, institucionet zotohen për mbrojtje të Kullës

1
 

24 vjet më parë, familjarë të Adem Jasharit u sulmuan nga forcat serbe. Në mungesë të tij, rezistencë bënë Shaban e Hamëz Jashari me nipat e mbesat e tyre. Në përvjetorin e sulmit të dytë ndaj familjes Jashari, përfaqësues të institucioneve bënë homazhe e u zotuan për mbrojtje të Kullës.

Kompleksi në Prekaz ishte adresa e krerëve institucionalë këtë të shtunë.

Në përvjetorin e 24 të sulmit të dytë ndaj familjes Jashari, me ç’rast u bënë homazhe, kryeministri Albin Kurti e ministri i Kulturës, Hajrulla Çeku, inspektuan edhe punimet në Kullën e Jasharëve.