Ish-deputeti i LDK-së, Ramiz Kelmendi, ka deklaruar se do të largohet nga jeta politike.
Ai në një postim në Facebook ka shkruar se kjo ka ardhur pas një raporti shëndetësor i cili i ka rekomanduar të qëndrojë larg aktiviteteve që shkaktojnë stres.
Ai thotë se sot ka pranuar oferta mese serioze për rrugëtim të mëtejmë politik.
“Në mbrëmje kam pranuar këtu, raportin personal shëndetësorë nga Turqia, ku mjekët specialist më referojnë që shëndeti im kërkon të mbahet stabil dhe nën kontroll në kontinuitet. Pozita ime shëndetësore, referuar mjekëve turq, kërkon regjim të qetë, larg aktiviteteve që nxisin stres dhe kërkojnë energji të dyfishuar, ndaj dhe me këtë më pamundësohet pjesëmarrja aktive në jetën politike.
Unë mbetem pranë kontributit për zhvillim ekonomik të Kosovës”, ka shkruar ai.
“Në këtë mes dua që sinqerisht dhe përzemërsisht të falënderojë jo veç për ofertat, por edhe për vlerësimin, garancat dhe gatishmërinë për të më dhënë besimin e projektit ekonomik për Kosovën, z.Kadri Veseli – Kryetar i PDK-së dhe i Kuvendit dhe z.Ramush Haradinaj – Kryetar i AAK-së dhe kryeministër në detyrë”, ka deklaruar tutje Kelmendi.
© KOHA. Të gjitha të drejtat janë të rezervuara.
