KQZ thotë se nesër përfundon procesi i rinumërimit, deri tash janë rinumëruar mbi 92% vendvotimeve
16:28
KQZ thotë se nesër përfundon procesi i rinumërimit, deri tash janë rinumëruar mbi 92% vendvotimeve
Komisioni Qendror i Zgjedhjeve ka njoftuar se deri sot janë rinumëruar 92.89 për qind e vendvotimeve.
Sipas zëdhënësit të KQZ-së, Valmir Elezi, në QNR po vazhdon procesi i rinumërimi të vendvotimeve për të cilat ka vendosur PZAP-i dhe sipas të dhënave të fundit, vetëm sot deri në orën 16 janë rinumëruar 67 vendvotime.
Sipas tij, në përgjithësi, numri i vendvotimeve që janë rinumëruar nga pasditja e 13 nëntorit dhe deri më tani është 1307 vendvotime apo 92.89%.
“Kanë mbetur edhe 100 vendvotime për t’u rinumëruar dhe ky proces pritet të përmbyllet deri nesër, e diele”, ka shtuar ai.
11:00
Janë rinumëruar mbi 88% e vendvotimeve
Në ditën e dhjetë të rinumërimit të vendvotimeve, që i bie e premtja e djeshme më 22 nëntor, në QNR janë rinumëruar edhe 138 vendvotime të tjera.
Zëdhënësi i KQZ-së Valmir Elezi thotë se numri i përgjithshëm i vendvotimeve të rinumëruara deri më tani është 1240 vendvotime.
“Kjo i bie 88.13%. Kanë mbetur për t’u rinumëruar edhe 167 vendvotime të tjera”, tha Elezi.
